Tag Archive: relasyon


Mahal Magmahal

Bakit ang mahal magka-love life? At bakit mas mahal bago magkarelasyon?

Putang ina! Isipin mo, manliligaw ka pa lang gagastos ka na ng malaki. Ang malupit nun, sugal siya, hind mo  alam kung sasagutin ka o hindi. Pero kahit hindi mo alam kung ano magiging kalalabasan, gagastos ka na para sa gasolina, sa parking, sa dinner, sa bulaklak, sa barbero, sa bagong damit, sa bagong medyas, sa load, sa regalo, sa dinner, sa sine, sa condom na hindi mo naman magagamit at sa kung ano-ano pang miscellaneous expense. Lahat yan gagastusin mo dahil lang sa libog.

Aminin na natin, hindi naman talaga nagsisimula sa pag-ibig ang ligawan. Ang unang pumapasok sa utak natin, “Babanatan ko yang babaeng yan!”. ‘Di ba? Unless pangit yung babae at sobrang bait at maaruga lang siya kaya tayo napamahal. Pero kung sobrang ganda niya, kantot lang naman talaga ang unang hangarin natin ‘diba? ‘Wag mo nang ipagkaila. Pinagdaanan ko na ‘yang “gentleman kunyari ako” mode. Alam ko na ‘yan. Hindi totoo ‘yan. Sinungaling!

Dahil sa libog, magwawaldas tayo ng limpak-limpak na salapi kahit walang kasiguruhan na mababaon mo nga ang pitotoy mo sa pepe niya. Ang hindi lang ‘ata gumagastos ay yung mga sobrang galing na mga player na kusang namumukadkad ang bulaklak sa mga mukha nila kahit laway lang ang puhunan.

Pero hindi dun angtatapos ang paglabas ng pera. Pag kayo na, tuloy pa rin ang gastos. Bakit? Dahil nagmagaling ka. Dahil nagpakitang tao ka. Dahil nagkunwari kang kaya mo kahit hindi. Dahil nagset ka ng expectations na hindi mo naman talaga kayang abutin. Dahil gago ka. Bobo! Tanga! Ano ka ngayon? Baon ka sa utang?

Suwerte mo na lang kung nahulog sayo yung babae. Kung pati laman loob niya’t hindi lang panti ang nalaglag para sa’yo sobrang suwerte mo. Siyempre feeling mo sobrang ang gwapo mo, tapos wala ka pang gagastusin masyado. Kung kuha mo na pati kaluluwa  niya, madali nang paliwanagan yun na wala ka kasing pera kaya hindi mo siya ma-date ngayon. Pero iilang babae lang ‘yun.

‘Pag ang tao nasaktan, matututo na ‘yan. Hindi mo na mauuto ‘yan. Matalino na ‘yan kahit konti. Hindi na ‘yan bibigay basta-basta. Kaya matagal pang dasalan bago ka makabaon diyan. Pero pag ang nahanap mo tanga, jackpot ka!

Meron lang din talagang mga taong hindi natututo. Mga taong kahit ilang beses masaktan, naniniwala pa rin sa wagas na pag-ibig. Ang problema, hindi ko alam kung saan ko sila makikita. May makita man ako, nagpakatanga na sa iba. Shet!

Ang masakit, pag brip mo ang nalaglag. Tangina! Yun ang hasel. Lahat gagawin mo para sa taong ‘to kahit hindi mo naiintindihan kung bakit. Ibibigay mo kahit labas sa budget mo. Kahit hindi ka kumain ng isang buwan masabi mo lang na binigay mo lahat, gugutumin mo sarili mo. Ang malupit dun pag iniwan ka. san ka ngayon pupulutin? Makikita ka na lang ng mga kamag-anak at mga kaibigan mo sa lusak ng pighati. Kung hindi man, malamang nagtatago ka sa mga taong pinagkakautangan mo.

Buti’t hindi pa nangyayari sa’kin yun. At sana hindi mangyari. ‘Wag sanang makarama.

Standards

Bakit ang hirap makahanap ng tapat at wagas na pag-ibig? Bakit kailangang gumapang and isang libo’t isang patak ng luha bago makahanap ng taong magmamahal sayo? Bakit kailangang mamugto muna ang mga mata’t mamanhid ang puso bago matutong ibigay ang sarili ng buong-buo sa isang tao? Bakit hindi madaling magmahal?

Matapos kong pinaiyak ang isang taong nagmahal ng tapat, pinangako ko na sa sarili kong wala na uling babaeng iiyak nang dahil sa’kin (Nakanamf… ang gwapo ko!). Hindi ko na kayang pagdaanan uli ang sama ng loob na alam mong may taong nasaktan dahil hindi mo sineryoso. Hindi na kaya ng konsensya kong tanggapin at ipawalang bahala ang pag-iwan sa isang indibidwal na nagmamakaawa. Ayaw ko nang magtapos uli ng isang relasyong alam kong nagsimula lang dahil sa init ng laman.

Gusto ko na ng seryosong relasyon. Gusto ko nang makahanap ng babaeng mamahalin ko ng totoo. Gusto ko nang makahanap isang indibidwal na pahahalagahan ko tulad ng pagpapahalaga niya sa’kin. Ayoko nang maglaro.

Ilang dekada na kong naglalaro. Pagod na ko.

Ngayong naghahanap ako ng seryosong relasyon, nahihirapan ako. Wala akong mahanap na taong qualified para sa’kin. Ang hirap makakita ng babaeng pasok sa standards ng nanay ko… mataas ang standards ng nanay ko!

Sana may mahanap akong taong gusto ko na walang makikitang problema ang nanay ko. Sana may tao akong makilala na hindi ko kinakailangang magpanggap na cool ako o na mature ako o na marami akong pera. Sana may dumating sa buhay kong isang indibidwal na mababaw ang kaligayahan para madaling pakisamahan. Sana may isang babaeng kasing hot ni Angel Locsin na lalapit sa’kin na handa at willing ibigay ang lahat ng gusto ko… sana malibog siya.

Pag may dumating na babaeng ganun sa buhay ko, bubuntisin ko agad para wala nang bawian. Akin na siya at wala na kayong magagawa!